一個人定兩個人? (from戀愛起義)

最近我做o左好多唔應該做 o既事
鍾意o左一個唔應該鍾意o既人
等一個唔應該等o既所謂機會
浪費一 o的唔應該浪費 o既時間
諗埋一 o的唔應該諗 o既 o野
去 o左一 o的唔應該去o既地方
食 o左一 o的唔應該食o既o野
返 o左一 o的唔應該返o既屋企
同埋上過一張唔應該上o既床
然後大家做o左好多唔應該做 o既事
之後,大家都覺得唔應該咁繼續落去
唔知自己想點,淨係知道自己唔想點
例如唔想俾其他人知道我同佢之間o既事
唔想大家走o黎走去唔知為乜
唔想你搵我,我搵你
唔想唔誠實,唔坦白,唔見得光
唔想有秘密
都唔係好想知道其實大家有幾鍾意大家?
總知高興就得啦
我唔想太認真,但係又唔想玩玩o下
我都唔係好想知道一o的我唔應該知道o既事
其實我同佢應該係見少o的面會好o的
唔應該鍾意
唔應該傷害
唔應該發生
唔應該開始
唔應該結束
我知我唔應該再搵佢,但係我又好想知道佢會唔會因為我而唔開心
每逢我一個人o既時候,我就係度諗.....
到底我自己應該想點......



最近我好鍾意一個人
自己一個人
一個人四圍去,一個人開工,一個人收工
一個人去食飯 ,一個人飲o野,一個人呢埋係屋企
亂按個遙控
夜晚一個人上網,有時一個人跑步
一個人打機,一個人去做Gym,一個人去卡啦OK
一個人去睇戲,間唔中一個人砌o下模型
星期六晚一個人去Party,跟住一個人去聽歌,一個人去跳舞
一個人流汗,一個人離開,一個人上車,跟住一個人返到屋企
一個人開心唔開心大笑大叫
連續好多日都係一個人
一個人有個好處就係唔洗有任何責任,唔洗有咁多包袱
每日24小時,都係屬於自己
個世界幾時開始,幾時停完全係由我一個人話事
我鍾意去邊就去邊,做咩就做咩o野,諗咩就諗咩o野
我鍾意點就點,總之我鍾意就得
我鍾意一個人
其實我唔係好肯定,我係鍾意一個人定係鍾意兩個人
有件事,我一路諗唔清楚
就係到底我同佢一齊開心o的?定係我自己一個人開心o的?
呢個問題,似乎一個人係搵唔到答案
最近我時時都係一個人,得返一個人
無無聊聊又一個人,行行企一個人
開心唔開心都係一個人
自己一個人
諗起兩個人畫面......



我o地一齊食飯,一齊行街
一齊返屋企,一齊生活,用同一條毛巾
用同一隻水杯飲同一啖水
上同一張床,一齊開心,一齊開始,一齊停
跟住又一齊去食飯
一齊行街,一齊過馬路,一齊停低,一齊返屋企
用一同個洗手間,上返同一張床,做返同樣o既動作
一齊無無聊聊又一個下就
跟住一齊睇VCD,一齊訓o下
一齊諗 o下將來,一齊傾計
一齊諗 o下之前發生咩事,一齊諗 o下之後又發生咩事
到底應唔應該一個人呢? 定係兩個人好o的?
一個人開心o的? 定係兩個人開心o的?
一個人......?
兩個人......?



from阿Jan 戀愛起義